रिलायन्स फाइनान्सका ग्राहकलाई केएमसीको स्वास्थ्य सेवामा छूट

काठमाडौं– रिलायन्स फाइनान्स लिमिटेडका ग्राहक, शेयरधनी तथा कर्मचारीले काठमाडौं मेडिकल कलेज पब्लिक लिमिटेड (केएमसी)मा स्वास्थ्य सेवामा छूट पाउने भएका छन । यसबारेमा रिलायन्स फाइनान्स र केएमसीबीच सम्झौता भएको छ ।

सम्झौता अनुसार रिलायन्सका ग्राहक, शेयरधनी तथा कर्मचारीले केएमसीले प्रदान गर्ने विविध स्वास्थ्य सेवामा १५ प्रतिशतसम्म छूट पाउने छन् । काठमाडौंको कमलादीमा केन्द्रीय कार्यालय रहेको संस्थाले २१ ओटा शाखामार्फत वित्तीय कारोबार गर्दै आएको छ ।

संस्थाले ग्राहकलाई सहज तथा सर्व सुलभ तरीकाले विभिन्न शीर्षकमा कर्जा प्रदान गर्नुका साथै विभिन्न निक्षेप योजना लागू गरी आकर्षक ब्याज प्रदान गर्दै आएको बताइएको छ । संस्थाले निक्षेप तथा कर्जाका अतिरिक्त सेवाग्राहीलाई ई–बैंकिङ, एससीटी नेटवर्क एटीएम, विभिन्न रेमिटेन्स, सी–आस्बा, कनेक्ट आईपीएस, एबीबीएस, ईसीसी, एसएमएस बैंकिङ, मोबाइल बैंकिङ लगायतका सेवा प्रदान गर्दै आएको छ ।