फोटो पत्रकारहरुलाई ग्लोबल आईएमई बैंकले क्यामेरा किन्न ऋण दिने

काठमाडौं– ग्लोबल आईएमई बैंकले फोटो पत्रकारहरुलाई क्यामेरा खरिदका लागि बिना धितो दुई लाखदेखि पाँच लाखसम्म शून्य ब्याजदरमा ऋण दिने भएको छ ।

बैंक र राष्ट्रिय फोटो पत्रकार समूह नेपाल (एनएफपीजे)बीच क्यामेरा खरिदका लागि सम्झौता भएको छ । सम्झौता अनुसार एनएफपीजेमा आबद्ध सदस्यहरूले क्यामेरा खरिदका लागि ग्लोबल आईएमई बैंकबाट बिना धितो दुई लाखदेखि पाँच लाख रुपैयाँसम्म शून्य ब्याजदरमा ऋण पाउने छन् ।

शुक्रबार एक कार्यक्रमका बीच बैंकका हेड ट्रान्जेक्सन प्रकाश पौडेल र एनएफपीजेका अध्यक्ष प्रदीपराज वन्तबीच सम्झौतापत्रमा हस्ताक्षर भएको हो । पत्रकारले क्यामेरा खरिद गर्न ऋणका लागि नागरिकता, तलब प्रमाणपत्र र आय कागजात, बैंक स्टेटमेन्ट, फोटो र आवेदन फारम संकलन गरेर एनएफपीजेले सहजीकरण गर्नेछ ।