काठमाडों– डिजिटल रेमिट्यान्स कम्पनी इसेवा मनी ट्रान्सफरले रक्षाबन्धन, बुवाको मुख हेर्ने दिन तथा हरितालिका तीजको अवसरमा साउन ३० देखि एक महिनासम्म ‘रेमिट पर्व’ शुरु गरेको छ ।
परिवारहरुलाई नजिक ल्याई तपाईंहरुको माया अझ गाढा बनाउँदै लैजाने उद्देश्यले रेमिट पर्व शुरु गरेको इसेवा मनी ट्रान्सफरका प्रमुख कार्यकारी अधिकृत अजेश कोइरालाले बताउनुभयो ।
कम्पनीका अनुसार साउन ३० देखि १ महिनासम्म सञ्चालन हुने योजनामा हरेक हप्ता २५ हजार जित्न सकिनेछ । योजनामा सहभागी हुन ग्राहकले विदेशबाट आफ्ना आफन्तको इसेवा वालेटमा प्रतिकारोबार न्यूनतम १० हजार रेमिट पठाउनु पर्नेछ ।
इसेवा मनी ट्रान्सफरले परम्परागत शैली तथा डिजिटल माध्यमबाट इसेवा वालेट, बैंक तथा वित्तिय संस्था र आफ्ना भुक्तानी केन्द्रमार्फत पनि विप्रेषण सेवा प्रदान गर्दै आइरहेको छ । सन् २०१९ मा नेपाल राष्ट्र बैंकबाट इजाजतपत्र प्राप्त ईसेवा मनी ट्रान्सफर, देशभरका उद्योगहरूलाई फिनटेकमा आधारित भुक्तानी सेवाको माध्यमबाट सशक्त बनाउँदै आएको एफवान सफ्ट ग्रुपको भगिनी कम्पनी हो ।
प्रतिक्रिया