काठमाडौं– नेपाल इन्भेष्टमेन्ट मेगा बैंक (एनआईएमबी)ले नेपालमा बिद्युतीय सवारीको पहुँच वृद्धि गर्ने लक्ष्यका साथ बीवाइडीका इभी खरिदमा ८० प्रतिशतसम्म कर्जा दिने भएको छ । यस सम्बन्धी सम्झौतापत्रमा बीवाइडीको नेपालका लागि आधिकारिक वितरक साइमेक्स इंक प्रालि र एनआईएमबी बैंकका अधिकारीहरुबीच हस्ताक्षर भएको छ ।
समझदारीपत्रमा एनआईएमबी बैंकका प्रमुख कार्यकारी अधिकृत ज्योतिप्रकाश पाण्डे र साइमेक्स इंक प्रालिकी सेल्स हेड सन्ध्या श्रेष्ठबीच हस्ताक्षर भएको छ । बीवाइडीका गाडी खरिद गर्न इच्छुक ग्राहकहरुले एनआईएमबी बैंकका कुनै पनि शाखामा अटो लोनका लागि आवेदन दिन सक्नेछन् ।
योग्य ग्राहकका लागि तीन कार्य दिनभित्र कर्जा उपलब्ध गराउने बैंकले जनाएको छ । बैंकले बीवाइडीका गाडीहरुका लागि आधार ब्याजदर र वार्षिक १ प्रतिशत प्रिमियममा कर्जा उपलब्ध गराउने बताइएको छ ।
प्रतिक्रिया