जीहो एई६ इलेक्ट्रिक स्कूटर किन्ने ग्राहकलाई २० हजार छूट

काठमाडौं– जीहो इलेक्ट्रिक स्कूटरको नेपालका लागि आधिकारिक वितरक रिलायन्स ग्रुप अन्तर्गतको ऋषि ट्रेड सेन्टरले बुधबारदेखि सेल्स एण्ड एक्सचेञ्ज कार्निभल शुरु गरेको छ । कार्निभल शुक्रबारसम्म सञ्चालन हुने कम्पनीले जनाएको छ ।

नेपाली बजारमा उपलब्ध जीहो एई६ प्लसमा कम्पनीले यो अफर ल्याएको हो । यो अफर अनुसार नगद वा फाइनान्समा सो इलेक्ट्रिक स्कुटर खरिद गर्ने ग्राहकलाई सिधै २० हजार रुपैयाँ छुट प्रदान गरिने जनाएको छ । त्यसैगरी आफ्नो कुनै पनि ब्रान्डको पुरानो मोटरसाइकल वा स्कुटरसँग साट्न चाहनेले थप ३० हजार रुपैयाँ एक्सचेन्ज भ्यालु पाउने छन् ।

कार्निभलमा सहभागी भएर स्कुटर किन्ने एक जना भाग्यशाली ग्राहकलाई बम्पर पुरस्कारको रुपमा दसैं सपिङ भौचरको रुपमा १५ हजार र एक जना अवलोकनकर्तालाई ५ हजार रुपैयाँ प्रदान गरिने समेत कम्पनीको भनाइ छ । यी सबै कार्यका लागि अन द स्पट फाइनान्सिङ र अन द स्पट भ्यालुएसन गरिने छ । काठमाडौं उपत्यकाका नक्साल नारायणचौर र झम्सिखेल ललितपुरमा रहेको शोरुममा सो कार्निभल हुनेछ ।