काठमाडौं– टाटा मोटर्सको उत्पादन पञ्च ईभी एकै दिनमा देशका चार वटा मुख्य शहरहरुमा एक समारोहका बीचमा औपचारिक रुपमा लञ्च गरिएको छ ।
टाटा मोटर्सको नेपालका लागि आधिकारिक बिक्रेता सिप्रदी ट्रेडिङका अनुसार पोखरा, चितवन, बुटवल, भैरहवा गरि चार शहरमा भव्यताका साथ पञ्च ईभी लञ्च गरिएको हो । कार्यक्रममा चारै शहरमा गाडी बुक गरेका ग्राहकहरुलाई गाडी हस्तान्तरण समेत गरिएको थियो ।
पोखरामा आयोजित कार्यक्रममा सिप्रदीका सीईओ राजनबाबु श्रेष्ठ, उद्योग वाणिज्य संघ पोखराका अध्यक्ष पवन प्रजापति लगायतको उपस्थिति रहेको थियो भने भैरहवा र बुटवलमा आयोजित कार्यक्रममा सिप्रदीका सीओओ राजेशप्रसाद गिरी, प्यासेन्जर भेहिकल बिजनेस युनिट प्रमुख सावन्तजंग सिजापति, सिद्धार्थनगर उद्योग वाणिज्य संघका अध्यक्ष ठाकुरप्रसाद श्रेष्ठ लगायतको सहभागिता रहेको थियो । यस्तै चितवनमा आयोजित कार्यक्रममा सिप्रदीका भाइस प्रेसिडेन्ट सौरभ थपलिया र चितवन उद्योग वाणिज्य संघका अध्यक्ष सूर्यप्रसाद न्यौपानको सहभागिता रहेको कम्पनीले जनाएको छ ।
सिप्रदीका सीईओ राजनबाबु श्रेष्ठले नाडा अटो शो २०२४ मा सार्वजनिक भएको टाटा पञ्च ईभीको नेपालभर उच्च माग र बुकिङ भएकोमा आफूहरु उत्साहित भएको बताउनुभयो ।
पञ्च ईभी अत्याधुनिक प्रविधियुक्त रहेको छ । टाटा पञ्च इभीको शुरुवाती मूल्य ३३ लाख ९९ हजार रुपैयाँ रहेको छ । ३५ किलोवाट आवरको ब्याट्री र ९० किलोवाट क्षमताको मोटर रहेको पञ्च.ईभीले ४२१ किलोमिटर रेञ्ज दिने कम्पनीले जनाएको छ । ५६ मिनेट फूल चार्ज हुने यो गाडीको टर्क पावर १९० एनएम रहेको बताइएको छ ।
गाडीमा इन्च एलआरआर टायर, १९० मिमी ग्राउन्ड क्लियरेन्स, प्रभावशाली एप्रोच, डिपार्चर र ¥याम्प–ओभर एंगल्सलगायत विद्युतीय एसयूभीमा हुनुपर्ने हरेक विशेषता रहेको कम्पनीले जनाएको छ । गाडीमा ९० डिग्रीको कोणमा खुल्ने ढोका, ३६६ लिटरको बुट स्पेस, फ्रंकमा १४ लिटरको थप स्पेस छ ।
प्रतिक्रिया