काठमाडों– दिगो ग्रुप अन्तर्गतको ई–स्टपले असोजदेखि मंसिर महिनासम्म तीन महिनाका लागि दिगो डाँफे इलेक्ट्रिक भ्यानका ग्राहकहरुलाई दैनिक एकतर्फी निःशुल्क चार्जिङ सेवा दिने घोषणा गरेको छ ।
दिगो डाँफेका ग्राहकहरुलाई मात्र रहेकोे यो सुविधा रामटार, मूलकोट र कुरिनटारमा फैलिएका ई–स्टपमा उपलब्ध हुने कम्पनीले जनाएको छ । आफ्ना ग्राहकहरुलाई थप प्रोत्साहित गर्न र ग्राहकहरुलाई ई–मोबिलिटीलाई रोज्न उत्प्रेरित गर्न यो अफर ल्याइएको दिगो ग्रुपका संस्थापक राजन रायमाझीले बताउनुभयो ।
यो विशेष अफरको उद्देश्य वातावरण संरक्षण र ई मोबिलिटीमा सवार हुनुको फाइदाहरूलाई जनमानसमा प्रचार गर्नु रहेको कम्पनीले जनाएको छ ।
दिगो ग्रुपले नेपालमा ११ सिटे भ्यानदेखि ३० सिटे बससम्मका विद्युतिय सवारीसाधनको बिक्री वितरण, र सेवा प्रदान गर्दै आएको छ।
प्रतिक्रिया