काठमाडौं–पारा ओलम्पिकमा कांस्य पदक जित्ने पहिलो नेपाली खेलाडी पलेशा गोवर्धनलाई बीवाईडीको नेपालका लागि आधिकारिक बिक्रेता साईमेक्स इंकले एक समारोहका बीचमा बीवाईडीको डल्फिन ईभी प्रदान गरेको छ ।
साइमेक्स इंककी प्रबन्ध निर्देशक यमुना श्रेष्ठले गोवर्धनलाई गाडी हस्तान्तरण गरेकी हुन् । उक्त गाडीको मूल्य ४१ लाख रुपैयाँ पर्ने बताइएको छ । नेपाललाई अन्तर्राष्ट्रिय क्षेत्रमा चिनाउन महत्वपूर्ण भूमिका खेल्ने पलेशालाई सम्मान गर्न पाउँदा गर्व महशुश भएको प्रबन्ध निर्देशक श्रेष्ठले बताईन ।
साइमेक्स इंकका अध्यक्ष अनिल श्रेष्ठले नाफा मात्रै नभएर सामाजिक दायित्व वहनलाई पनि आफ्नो कम्पनीले उच्च प्राथमिकतामा राखेको बताए । कम्पनीका प्रमुख कार्यकारी अधिकृत साहिल श्रेष्ठले खेलमार्फत विश्वमा नेपालको गरिमा उच्च बनाउन भूमिका खेल्ने पलेशालाई सम्मान गर्न पाउँदा खुशी लगाएको बताए ।
दुई साता अगाडि साइमेक्स इंकले एक करोड रुपैयाँ राखेर साइमेक्स बीवाईडी च्यारिटी फाउण्डेशन शुरु गरेको थियो ।
प्रतिक्रिया