काठमाडौं– हुन्डाई गाडीको नेपालका लागि आधिकारिक बिक्रेता लक्ष्मी इन्टरकन्टिनेन्टलको एक भगिनी संस्था लक्ष्मी मोटर कर्पोरेसनले हुन्डाई भेन्युको नयाँ भेरियन्ट ‘भेन्यु ई’को उत्पादन शुरु गरेको छ ।
कम्पनी यो गाडीको मूल्य ४० लाख ९९ हजार रुपैयाँ तोकेको छ । यो मूल्य सीमित अवधिका लागि भएको कम्पनीले जनाएको छ । यो मूल्य आयात गरिएको गाडीभन्दा २ लाख ५० हजार रुपैयाँ कम हो । कम्पनीले गत जेठको पहिलो साताबाट एसेम्बल प्लान्ट सञ्चालनमा ल्याएको थियो । नेपालमा हुन्डाई भेन्युको व्यावसायिक उत्पादन शुरु गरेसँगै ‘हुन्डाई नेपाल : मेड फर योर जर्नी’ कम्याम्पेन पनि कम्पनीले शुरु गरेको थियो ।
हालसम्म करिब २५० गाडी आफ्ना डिलरहरुमार्फत बिक्री गरिसकेको कम्पनीले जनाएको छ । हाल नेपालमा उपलब्ध भेन्युका अरु भेरिएन्ट मध्ये भेन्यु (एस) को मूल्य ४४ लाख ९६ हजार र भेन्यु (एसएक्स) १.२ को मूल्य ५३ लाख ५६ हजार रुपैयाँ तोकिएको छ । कम्पनीले मेड इन नेपाल हुन्डाई भेन्युमा १० वर्षको निःशुल्क सर्भिसिङ र ३ वर्षको वारेन्टी प्रदान गर्ने जनाएको छ।
प्रतिक्रिया