काठमाडौं– चांगान अटोमोबाइल अन्तर्गतको प्रिमियम न्यु इनर्जी भेइकल ब्रान्ड दिपल अस्ट्रेलियामा पनि बिक्री शुरु भएको छ । दिपलले आफ्ना दुई लोकप्रिय मोडल दिपल एस०७ र दिपल एल०७ को अष्ट्रेलियामा बिक्री शुरु गरेको हो । दुई मोडल जी३१८ र एस०५ लिएर पनि चाँडै नै बजारमा ल्याउने भएको छ ।
यसअघि गएको ११ सेप्टेम्बरमा दिपलले अस्टे«लियन ग्राहकलाई सुध्रित र अटुट कस्टमर एक्सपेरियन्सका लागि ग्राहक सम्पर्क केन्द्र, पार्ट्स वितरण र बिक्रीपछिको प्राविधिक तालिम लगायतका क्षेत्रमा अस्टे«लियन डिलर इन्चकेपसँग साझेदारी गरेको थियो ।
गत वर्षको नोभेम्बरमा विश्वव्यापी विस्तारको नीतिलाई अवलम्बन गरेपछि दिपलले दक्षिणपूर्वी एसिया र नेपालदेखि ल्याटिन अमेरिका र मध्यपूर्वमा तीव्र गतिमा आफ्नो उपस्थितिलाई बलियो बनाउँदै गएको छ । यसबीच सेप्टेम्बरको सुरुमा साउदी अरेबियामा आधारित अटोमोबाइल ग्रुप एएल टेयर मोटर्ससँग नीतिगत साझेदारी गर्दै साउदी बजारमा आफ्नो लाइनअपलाई प्रवेश गराएको थियो ।
केही समयअघि थाइल्यान्ड, नेपाल र मेक्सिकोमा प्रवेश गरेको थाइल्यान्डले त्यहाँको बजारमा राम्रो प्रदर्शन गर्दै आएको छ । मेक्सिकोमा गएको जुलाईमा अल इलेक्ट्रिक र रेन्ज एक्टेन्डेड भर्सनमा दिपल एस०७ सार्वजनिक गरिएको थियो जसले क्रमस ६२० किलोमिटर र १२०० किलोमिटर रेन्ज दिन्छ । दिपलले गत वर्ष थाई बजारमा लागि राइट ह्यान्ड एस०७ र एल०७ सार्वजनिक गरेको थियो ।
प्रतिक्रिया