काठमाडौं– ट्रायम्फ मोटरसाइकलको नेपालका लागि आधिकारिक बिक्रेता हंशराज हुलाश चन्द एण्ड कम्पनीले आइतबार ट्रायम्फ स्पीड ४०० र स्क्रयाम्बलर ४०० गरी एकैपटक २ सय मोटरसाइकल डेलिभरी गरेको छ ।
कम्पनीले यी दुवै मोटरसाइक गत भदौमा सम्पन्न नाडा अटो शो २०२४ मा सार्वजनिक गरेर बुकिङ लिएको थियो । नाडा अटो शोमा १५० युनिट र त्यसयता ५० युनिट बुकिङ लिइएको कम्पनीले जनाएको छ ।
नेपाली बजारमा ट्रायम्फ स्पीड ४०० को मूल्य ६ लाख ३४ हजार ९०० रुपैयाँ र स्क्रयाम्बलर ४०० एक्सको मूल्य ६ लाख ८९ हजार ९०० रुपैयाँ रहेको छ ।
बजाजले भारतमा उत्पादन गरको ट्रायम्फ ४०० सिरिज भारतबाट विभिन्न ५० भन्दा धेरै देशहरूमा निर्यातसमेत सुरू भइसकेको छ भने कम्पनीले केही दिन अघि १ वर्षमा ५० हजार युनिट मोटरसाइकल बिक्री पूरा भएको थियो ।
ट्रायम्फ ४०० सिरिजमा ३९८ सीसी क्षमताको लिक्वीड कुल्ड, फोर भल्भ, सिंगल सिलिन्डर इन्जिन छ । यो इन्जिनले ४० हर्षपावर तथा ३७.५ एनएम टर्क जेनेरेट गर्छ । दुवै मोटरसाइकलमा ६ स्पीड गियरबक्स जडान गरिएको छ ।
यी दुवै मोटरसाइकलमा समान फिचरहरू छन् । ट्रयाक्सन कन्ट्रोल, स्लीपर क्लच, राइड वाइ वायर जस्ता अत्याधुनिक फिचरहरू छन् ।
प्रतिक्रिया