काठमाडौं– आर्क्स ग्रुपले गोल्डेन ड्रयागन र जुबाओ ब्रान्डका विद्युतीय भ्यानहरु बिक्री गर्ने भएको छ । १४ सिटे गोल्डेन ड्रयागन माइक्रोबसको मूल्य ५७ लाख रुपैयाँ तोकिएको छ । गोल्डेन ड्रयागनका १५ सिटर र १६ सिटर माइक्रोबस समेत उपलब्ध हुनेछन् । यी माइक्रोबसको मूल्य ५५ लाख र ६२ लाख रुपैयाँ हुने कम्पनीले जनाएको छ ।
त्यसैगरी आर्क्स ग्रुपले जुबाओ ब्रान्डका माइक्रोबस समेत बिक्रीका लागि उपलब्ध गराउने भएको छ । ११ सिटर र १४ सिटर यी माइक्रोबसको मूल्य क्रमशः ४५ लाख ५० हजार र ४९ लाख ५० हजार रुपैयाँ हुनेछ ।
यी भ्यानहरु लामो दुरी र छोटो दुरीका विभिन्न यातायात संचालक, ट्राभल एजेन्सी, ट्रेकिङ्ग, अस्पताल, स्कुल, होटेल, कर्पोरेट कार्यालय लगायतका विभिन्न क्षेत्रका लागि अत्यन्तै उपयोगी र व्यवहारिक हुने कम्पनीले जनाएको छ ।
गोल्डन ड्रयागनको १४ सिटे माइक्रोबस पहिले नै नेपाली बजारमा उपलब्ध भए पनि अन्य मोडल र जुबाओ ब्रान्ड भने नेपाली बजारका लागि नयाँ हुने पनि कम्पनीले जानकारी दिएको छ ।
प्रतिक्रिया