भक्तपुरको गठ्ठाघरमा सोकोन र फोटोन गाडीको शोरुम सञ्चालनमा

काठमाडौं– सोकोन र फोटोन गाडीको नेपालको लागि आधिकारिक आयातकर्ता एमएडब्लू वृद्धिले भक्तपुरको गठ्ठाघरमा आफ्नो पहिलो शोरुमको सञ्चालनमा ल्याएको छ ।

एमएडब्लू समूहका अध्यक्ष विष्णु कुमार अग्रवाल, एसिया प्यासिफिक आरएचडी क्षेत्र सेरेस ग्रुप कमर्शियल भेहिकल डिभिजनका कन्ट्री म्यानेजर शुन जियाक्सिन, एमएडब्लू वृद्धी कमर्शियलका सीईओ तुषार गुप्ता लगायत अन्य विशिष्ट अतिथि तथा मिडिया र सरोकारवालाहरूको उपस्थितिमा उक्त शोरुमको बुधबार औपचारिक उद्घाटन गरिएको थियो।

शोरुमले आगन्तुकहरूलाई सोकोनका नवीनतम ईभी मोडलहरू प्रदर्शन गर्दै इमर्सिभ अनुभव प्रदान गर्ने कम्पनीले जनाएको छ । ग्राहकको आराम र सुविधालाई ध्यानमा राखेर डिजाइन गरिएको उक्त सुविधासम्पन्न शोरुममा व्यक्तिगत परामर्श, उत्पादन प्रदर्शन र परीक्षण ड्राइभहरू प्रदान गर्न विशिष्ट प्रशिक्षण प्राप्त कर्मचारीहरूको समर्पित टोली तयार रहने छ। उद्घाटनका दौरान ११ वटा सोकोन गाडीहरू शोरुमकै नयाँ मालिकहरूलाई वितरण गरिएको थियो।