काठमाडौं– ब्लु कर्पोरेसन प्रालिले सनलङको इलेक्ट्रिक कार्गो पिकअप नेपाल भित्र्याएको छ । कम्पनीको ललितपुरको बालकुमारीमा शोरुम छ ।
सनलङ ईभीयू३ मा ७० किलोवाट क्षमाताको मोटर उपलब्ध छ । यसमा ४२ किलोवाट आवरको लिथियम आइरन फोस्पेट ब्याट्री छ । यसलाई एक पटकको फुलचार्जमा २८६ किलोमिटरसम्म रेन्ज दिने कम्पनीले जनाएको छ ।
यसको टप स्पीड ९० किलोमिटर प्रतिघन्टासम्म छ । यसमा १८० एमएम अग्लो ग्राउन्ड क्लियरेन्स पाउन सकिन्छ । कम्पनीले यसमा भएको ब्याट्री र मोटरमा ५ वर्ष वा २ लाख किलोमिटरसम्मको वारेन्टी दिने बताएको छ ।
ब्लू कर्पोरेशनले ३१ लाख ४५ हजार रुपैयाँ तोकेर बिक्री सुरू गरेको हो । कम्पनीले निकट भविष्यमै कमर्शियल भ्यानसमेत ल्याउने तयारी थालेको छ ।
प्रतिक्रिया