काठमाडौं – एनआईयूको नयाँ इलेक्ट्रीक स्कुटर एफक्यूआई ३०० नेपालको आधिकारीक विक्रेता इको इन्फिनिटीले
पोखरा, टेकु र कुपन्डोलमा रहेको आधिकारिक शोरुममार्फत बिक्री सुरू गरेको छ । कम्पनीले यसको शुरुवाती मूल्य ३ लाख ८५ हजार रुपैयाँ तोकेर बिक्री सुरू गरेको हो ।
कम्पनीले स्पोर्टी डिजाइनमा ल्याएको एफक्यूआई ३०० मा ४.८ किलोवाट रेटेड क्षमताको मोटर उपलब्ध छ । यसको टप स्पीड ८० किलोमिटर रहेको छ । यसको सिंगल र डबल ब्याट्री अप्सन छ भने यसलाई एक पटक फुलचार्ज गरेर १५० किलोमिटरसम्म गुडाउन सकिने कम्पनीले जनाएको छ ।
यो स्कुटरमा सबै एलइडी लाइटको प्रयोग गरिएको छ भने, स्कुटरको दुबैतर्फ डिस्क ब्रेक, फुल डिजिटल डिस्प्ले, कनेक्टिभिटी जस्ता फिचर यसमा पाउन सकिने पनि कम्पनीले जानकारी दिएको छ ।
प्रतिक्रिया