स्काइवेल किन्दा युरोप भ्रमणको अवसर

काठमाडौं– नेपाली बजारमा उपलब्ध लक्जरी एसयूभी स्काइवेलका ईभी खरिद गर्ने ग्राहकहरुलाई नेपालका लागि स्काइवेलको आधिकारिक बिक्रेता जी मोटर्सले युरोप भ्रमणमा लैजाने भएको छ । कम्पनीले ‘‘स्काइवेल ड्राइभ–२०२५, नेपाल टु युरोप’ क्याम्पेनमा यस्तो अवसर दिएको हो ।

कम्पनीका अनुसार यस क्याम्पेनमा सहभागी भई स्काइवेल विई ११ र स्काइवेल ईटी ५ खरिद गर्दा खरिदकर्ता जोडीले युरोप भ्रमणको अवसर पाउने छन् ।

सन् २०२५ मोडेलको जुनसुकै भेरियन्ट टेष्ट ड्राइभ गर्ने ग्राहक पनि यो योजनामा सहभागी हुन सक्ने कम्पनीले जनाएको छ ।
अत्यन्त आरामदायी, सुरक्षित र सोलिड स्ट्रक्चरमा बनेको स्काईवेल नेपालमा उपलब्ध एक रियल इभी एसयुभी हो ।

काठमाडौंबाट नेपालको कुनै पनि गन्तब्यमा सिंगल चार्जमा सजिलै पुग्न साकने स्काईवेलले दिने ६२० किलो मिटरको रेन्जले स्काईवेललाई युरोपेली सडकमा समेत लोकप्रिय बनाउन सफल भएको हो । यसरी टेष्ट ड्राइभमा सहभागी हुने ग्राहक मध्ये २ जना विजेताले ९१ महिला र १ पुरुष टेष्ट ड्राइभ समेत युरोप भ्रमणको अवसर पाउने छन् । साथै, युरोपमै स्काइवेल ड्राइभको मौका समेत पाउने छन् ।

स्काइवेल युरोपियन बजारमा लोकप्रिय ब्राण्ड हो । स्काइवेल चीनमा निर्मित ईभीमा ईयू सर्टिफिकेशन पाउने पहिलो प्रडक्ट समेत हो ।

युरोपेली सुरक्षा मापदण्ड अनुसार बनेको स्काइवेल विई ११ ले सीएनक्याप क्र्यास टेष्टमा फाइभ स्टार सेफ्टी रेटिङ पाएको छ । यसले एकपटकमा ४१० किलोमिटर रेन्ज दिने कम्पनीको दाबी छ । यसको मूल्य ७९ लाख ९० हजार रुपैयाँ र ५२० किमी रेन्ज दिन विई ११ को मूल्य ८९ लाख ९० हजार रुपैयाँ छ ।

नेपालमा स्काइवेलका गाडीहरू नक्साल, राधेराधे, विराटनगर, इटहरी, चितवन र पोखराबाट बिक्री हुँदै आएका छन् भने भक्तपुरको राधेराधे र इटहरीमा अत्याधुनिक सर्भिस सेन्टर संचालनमा छन् ।