ब्रम्बी ईभीमा भारी छूट, २३ लाख पर्ने कार अब २० लाखमै

काठमाडौं–बीएडब्लु ब्रान्डको नेपालका लागि आधिकारिक वितरक एलआरआर मोटर्सले नयाँ बर्षको अवसरमा आफ्नो मिनि कार ब्रम्बीमा भारी छुट योजना ल्याएको छ ।यस योजना अन्तर्गत कम्पनीले ब्रम्बी कार खरिद गर्दा २ लाख ९१ हजार नगद छुट दिने भएको छ ।

यसअघि २२ लाख ९० हजार रुपैयाँमा बिक्री हुँदै आएको ब्रम्बी ईभीको सिमित स्टकलाई १९ लाख ९९ हजारमै बिक्री शुरु गरिएको कम्पनीले जनाएको छ ।

बीएडब्लुको ब्रम्बी सिटी कार हो । ३० किलोवाटको मोटर र १७.२८ किलोवाट आवरको ब्याट्री भएको सो सिटी कारले सिंगल चार्जमा २०५ किलोमिटर रेन्ज दिने कम्पनीको भनाई छ । होम एसी चार्जरको सहयोगले चार्ज गर्न सकिने सो कारमा एलएफपी ब्याट्री रहेको छ । यसको लम्बाई ३५३२ एमएम, चौडाई १४९८ एमएम र उचाई १६०५ एमएम रहेको छ ।