काठमाडौं– एमजीको नेपालका लागि आधिकारिक वितरक पारामाउन्ट मोटर्सले एमजी विन्डसर ईभी नेपाल भित्र्याउँदै यही महिनाको मध्यदेखि बिक्री शुरु गर्ने तयारी गरेको छ ।
एमजीले भारतमा उत्पादन गरेको दोस्रो मोडल विन्डसर ईभी हो । एमजीले भारतमा उत्पादन भएको कोमेट मिनी ईभी नेपालमा बिक्री गर्दै आएको छ ।
कम्पनीले बजेट लगत्तै बिक्री सुरू गर्ने विन्डसर एक्सक्लूसिप र इसेन्स गरी दुई भेरियन्टमा नेपाल भित्र्याएको हो । भन्सार प्रयोजनको लागि प्रकाशित मूल्य अनुसार एक्सक्लूसिपको मूल्य ३९ लाख ४९ हजार र इसेन्स भेरियन्टको मूल्य ४२ लाख ४९ हजार रहेका छन् ।
विन्डसर ईभीमा ३८ किलोवाट आवर क्षमताको एलएफपी ब्याट्री र १०० किलोवाट क्षमताको इलेक्ट्रिक मोटर छ । यस ईभीलाई सिंगल चार्जमा ३३१ किलोमिटर गुडाउन सकिने कम्पनीको दावी छ ।
प्रतिक्रिया