काठमाडौं– चिनियाँ कम्पनी जिली अटो होल्डिङ ग्रुपले उत्पादन गरेको २०२५ जिली ईएक्स५ सिरिज जिलीको नेपालका लागि आधिकारिक वितरक एलआरआर मोटर्सले नेपाल भित्र्याएको छ ।
नाडा अटो शो २०२५ लाई लक्षित गरी जिलीका २ मोडल जिली ईएक्स५ प्रो र जिली ईएक्स५ म्याक्स भित्र्याएको हो । यी मोडलहरू स्नो–ह्वाइट, फ्रोस्टी ग्रे, मूनलाइट सिल्भर, कार्बन ब्ल्याक र टक्र्वोइज ग्रिन गरी ५ आकर्षक रङमा उपलब्ध छन् ।
यी दुवै मोडलमा ६०.२ किलोवाट प्रतिघण्टा क्षमता भएको एलएफपी सर्ट ब्लेड ब्याट्री प्रयोग गरिएको छ, जुन अन्य सामान्य सर्ट ब्लेड ब्याट्रीभन्दा सुरक्षा, ऊर्जा घनत्व, प्रभावकारीता र दिगोपनाको दृष्टिकोणले उच्चस्तरीय मानिने कम्पनीले जनाएको छ । यी दुवै मोडलमा १६० किलोवाट क्षमताको मोटर छ ।
यसको ब्याट्रीको आयु ३५ सय चार्ज रिसाइकल (लगभग १० लाख किमी अथवा ५० वर्ष) रहेको छ जुन हालसम्म उपलब्ध अन्य कुनै पनि ब्याट्रीको क्षमताभन्दा धेरै भएको कम्पनीको भनाई छ । एलआरआर मोटर्सले जिलीका गाडीहरुको ब्याट्रीमा आठ वर्ष वा २ लाख किमीसम्म वारेन्टी समेत दिईएको जनाएको छ ।
प्रतिक्रिया