हुण्डाईको कोना खरिदमा शून्य प्रतिशत ब्याजदर

काठमाडौं– नेपालको लागि हुण्डाई गाडीको आधिकारिक बिक्रेता लक्ष्मी इन्टरकन्टिनेन्टलले आफ्नो बिद्युतीय गाडी ‘कोना’को खरिदमा ‘जिरो इमिसन, जिरो इन्ट्रेस्ट रेट’ योजना सार्वजनिक गरेको छ । योजना अनुसार इच्छुक ग्राहकहरुले शून्य प्रतिशत ब्याजदरमा ५ बर्षको लागि ५० प्रतिशत डाउनपेमेन्ट गरी हुण्डाईको कोना खरिद गर्न सक्नेछन् ।

हुन्डाई कोना २ वटा भेरियन्टमा उपलब्ध छ । कोना जीएल को मूल्य रु. ५९,९६,००० र जीएलएस भेरियन्टको मूल्य रु. ६४,९६,००० रहेको छ ।

हुन्डाई कोनामा मल्टी स्टेज हाइभोल्टेज सेफ्टी सिस्टम युक्त ३९.२ किलोवाट आवरको लिथियम आयोन पोलिमर ब्याट्री रहेको छ । कोना इलेक्ट्रीकलाई एक पटकको सिङ्गल चार्जमा ३०५ किलोमिटरसम्म गुडाउन सकिने छ । हुन्डाई कोनामा नयाँ डिजाइनको ग्रिल, डे टाइम रनिङ लाइट तथा ठुलो साइजको टेललाइट पाउन सकिन्छ । यसलाई १०० किलोवाट डीसी फास्ट चार्जरले ५४ मिनेटमा ८० प्रतिशत ब्याट्री चार्ज गर्नेछ ।