पाकिस्तानको इभी बजारको ठूलो हिस्सा कब्जा गर्ने बीवाईडीको योजना

पाकिस्तानको ईभी बजारको ठूलो हिस्सा कब्जा गर्ने योजनाका साथ बीवाईडीले पाकिस्तानमा पनि आफ्नो नयाँ प्लान्ट स्थापना गर्ने भएको छ । बीवाईडीले पाकिस्तानको सबैभन्दा ठूलो व्यापार समूह मेगा कंग्लोमेरेटसँग यसबारेमा सम्झौता समेत गरिसकेको छ ।

मेगा कंग्लोमेरेट पाकिस्तानको सबैभन्दा ठूलो निजी क्षेत्रको उर्जा उत्पादक ‘हब पावर कम्पनी’को सहायक कम्पनी हो । नयाँ प्लान्ट कराँचीको पोर्ट कासिम क्षेत्र नजिकै स्थापना गरिने भएको छ । जहाँ टोयोटा, सुजुकी र किया जस्ता अन्य ब्रान्डले समेत एसेम्बली प्लान्ट स्थापना गरेका छन् । बीवाईडीको नयाँ प्लान्ट सन् २०२६ को पहिलो हाफतिर सञ्चालनमा आउनेछ ।

बीवाइडीले सुरुमा ३ वटा मोडल लन्च गर्ने तयारी थालेको हो । जसमा सेडान र एसयूभी मोडल सामेल हुने टुंगो लागिसकेको छ । उक्त प्लान्टबाट गाडी उत्पादन थाल्नु अघि कम्पनीले यस वर्षको चौथो त्रैमासिकमा बीवाईडीका गाडीहरु पाकिस्तानमा बिक्री सुरु गर्ने तयारी थालेको छ ।

बीवाइडीले यस अघि ८० भन्दा बढि देशमा आफ्नो पहुँच विस्तार गरिसकेको छ ।