काठमाडौं–भारतमा राम्रो बजार पाईरहेको नेपालको लागि बहुप्रतिक्षित गाडी पञ्च ईभी नाडा अटो शो २०२४ को पहिलो दिन आज सार्वजनिक भएको छ । टाटा मोटर्सको नेपालको लागि आधिकारिक वितरक सिप्रदी ट्रेडिङ पञ्च ईभीको तीन भेरियन्ट सार्वजनिक गर्दै मूल्य समेत तोकेको छ ।
जसको मूल्य एम्पावर्ड प्लस एसएमआरलाई ३३ लाख ९९ हजार, एलआरको ३६ लाख ९९ हजार र प्लस एसएलआरको ३८ लाख ०० हजार तोकिएको छ । पञ्च ईभी अत्याधुनिक प्रविधियुक्त रहेको छ । ३५ किलोवाट आवरको ब्याट्री र ९० किलोवाट क्षमताको मोटर रहेको पञ्च.ईभीले ४२१ किलोमिटर रेञ्ज दिने कम्पनीले जनाएको छ । ५६ मिनेट फूल चार्ज हुने यो गाडीको टर्क पावर १९० एनएम रहेको बताइएको छ ।
गाडीमा इन्च एलआरआर टायर, १९० मिमी ग्राउन्ड क्लियरेन्स, प्रभावशाली एप्रोच, डिपार्चर र ¥याम्प–ओभर एंगल्सलगायत विद्युतीय एसयूभीमा हुनुपर्ने हरेक विशेषता रहेको कम्पनीले जनाएको छ । गाडीमा ९० डिग्रीको कोणमा खुल्ने ढोका, ३६६ लिटरको बुट स्पेस, फ्रंकमा १४ लिटरको थप स्पेस छ ।
प्रतिक्रिया