काठमाडौं– भृकुटीमण्डपमा जारी नाडा अटो शो २०२४ को पाँचौं दिन शनिबारसम्म स्काइवेलको नेपालको लागि आधिकारिक विक्रेता जी मोटर्सले ९९ युनिट गाडी बुकिङ गरेको छ ।
यस अवसरमा कम्पनीले प्रदर्शनीस्थलमा नै केक काटेर खुशीयाली समेत मनाएको छ । कम्पनीका कार्यकारी निर्देशक पारसमणि गेलालका अनुसार स्काईवेलको ईटी–५ र बीई–११ मिलाएर शनिबारसम्म ९९ युनिट गाडी बुकिङ गरिएको छ । अझै आइतबार एक दिन नाडा अटो शो बाँकी रहेकाले थप बुकिङ हुने विश्वास समेत गेलालले व्यक्त गरे ।
अहिले बीई–११ मोडलको दुई भेरियन्ट अटो शोमा प्रदर्शनी गरेको हो । कम्पनीले प्रदर्शनी गरेको नयाँ मोडलमा ५१ र ७१ किलोवाट आवरको ब्याट्री छन् । । दुई भेरियन्टमा १५० किलोवाट मोटरपावर रहेको जनाएको छ । यस ईभी ४१० किलोमीटर रेञ्ज र ५२० किलोमीटर रेञ्ज गरी दुई भेरियन्टमा उपलब्ध छ । कम रेञ्जमा ५८ किलोवाट आवर र माथिल्लो रेञ्जमा ७१ किलोवाट आवरको ब्याट्री प्याक छ ।
प्रतिक्रिया