टोयोटाको प्रियस हाइब्रिड विश्व रेकर्ड कायम गर्न सफल

काठमाडौं– जापानिज सवारी साधन निर्माता कम्पनी टोयोटाको पाँचौं जेनेरेसन प्रियस प्लग इन हाइब्रिड कारले विश्व रेकर्ड कायम गर्न सफल भएको छ ।

अमेरिकाको इस्टकोस्ट न्यूयोर्कबाट वेष्टकोस्ट लस एञ्जलससम्मको ४४९० किलोमीटरको लामो यात्रा पूरा गर्दै टोयोटा प्रियस हाइब्रिडले विश्व रेकर्ड बनाएको हो । एक लिटर पेट्रोलले ४० किलोमीटर रेञ्ज दिएर टोयोटा प्रियसले विश्व रेकर्ड कायम गर्न सफल भएको हो ।

टोयोटा प्रियस प्लग–इन हाइब्रिड पावरट्रेनमा २.०–लिटर ४–सिलिन्डर इन्जिन छ । सो इन्जिनले २२० बीएचपी पावर जेनेरेट गर्छ । प्लग–इन हाइब्रिड सेटअपमा १३.६ केडब्ल्युएचको ब्याट्रीको साथमा उपलब्ध छ । जसलाई पछाडिको सिटमा राखिएको छ । नयाँ मोडलले पुरानो मोडलको तुलनामा ५० प्रतिशत बढी रेन्ज दिएको दाबी गरिएको छ । सो कार फुल ईभी मोडमा ९० किलोमिटरसम्म चल्न सक्छ ।

यसको व्याट्री चार्ज गर्नका लागि टोयोटाले रुफमा सोलार सेलसमेत लगाएको छ । यसले गाडी चलाउँदा चलाउँदै चार्ज हुनेछ । स्ट्रङ हाइब्रिड भर्सनमा १.८ लिटर र २.० लिटर पेट्रोल इन्जिनमा उपलब्ध छ । यसले १९४ बीएचपीसम्मको पावर जेनेरेट गर्छ ।