काठमाडौं– नेपालमा फोटोन ईभीको बिक्रीमार्फत दिगो ऊर्जा समाधानतर्फ राष्ट्रको यात्रामा अग्रणी भूमिका निर्वाह गरेवापत ‘फोटोन ग्लोबल अवार्ड–२०२४’ मा एमएडब्लु ग्रुपले विश्वव्यापी मञ्चमा दुई वटा अवार्ड प्राप्त गर्न सफल भएको छ ।
एमएडब्लु ग्रुपका प्रबन्ध निर्देशक बिष्णुकुमार अग्रवाललाई ‘लिडरशिप इन न्यू इनर्जी प्रोमोशन अवार्ड २०२४’ र एमएडब्लु वृद्धि कमर्शियलका सीईओ तुषार गुप्तलाई ‘एक्सलेन्स ईन सेल्स अवार्ड २०२४’ प्रदान गरिएको हो ।
अवार्डहरु फोटोन ग्रुपका उपाध्यक्ष र फोटोन ओभरसिज बिजनेसका अध्यक्ष फू जुनले प्रदान गरेका थिए ।यस उपलब्धिले एमएडब्लु ग्रुपको अतुलनीय बिक्री सफलता र यस क्षेत्रमा ईभी बजारलाई परिभाषित गर्ने नवीन रणनीतिहरुलाई प्रकाश पार्ने कम्पनीले जनाएको छ ।
प्रतिक्रिया