असार १८ गते एमजी विन्डसर ईभी नेपाली बजारमा सार्वजनिक हुँदै

काठमाडौं– एमजीको नेपालका लागि आधिकारिक बिक्रेता पारामाउन्ट मोटर्सले यही असार १८ गते बुधबार एमजी विन्डसर ईभी नेपाली बजारमा सार्वजनिक गर्ने भएको छ ।

विन्डसर जेएसडब्लू एमजीले भारतमा उत्पादन गरेको दोस्रो ईभी मोडल हो । भारतमा उत्पादन भएको कोमेट मिनी ईभी यस अघिदेखि नै नेपालमा बिक्री हुँदै आएको छ ।

विन्डसर ईभी एक्सक्लूसिप र इसेन्स गरी दुई भेरियन्टमा उपलब्ध हुनेछ । एमजीले विन्डसर ईभीमा ३८ किलोवाट आवर क्षमताको एलएफपी ब्याट्री दिएको छ । साथै, यसमा १०० किलोवाट क्षमताको इलेक्ट्रिक मोटर छ भने यसको पीकटर्क २०० एनएम छ । सिंगल चार्जमा ३३१ किलोमिटर गुडाउन सकिने कम्पनीको भनाई छ । नयाँ विन्डसरमा निकै ठूलो पानारोमिक ग्लास रुफ दिइएको छ ।