स्पोर्टर्स कार एमजीको साइबरस्टरमा ग्राहकहरुको आकर्षण

काठमाडौं–एमजीको नेपालका लागि आधिकारिक बिक्रेता पारामाउन्ट मोटर्सले नयाँ मोडलको प्रिमियम स्पोर्टर्स कार साइबरस्टर नाडा अटो शोमा प्रदर्शन गरे पनि बिक्री भएपछि प्रदर्शनस्थलबाट हटाएको छ ।

कम्पनीका अनुसार शुरुमा दुई युनिट मात्र आयात गरिएको साइबरस्टर दुवै युनिट बिक्री भएपछि प्रदर्शनस्थलबाट हटाएर शोरुममा लगिएको छ । यो गाडी हेर्न चाहेमा शोरुममा आउन पनि कम्पनीले आग्रह गरेको छ । कम्पनीले एमजी साइबरस्टरको मूल्य १ करोड ६७ लाख ९९ हजारमा बिक्री गरेको हो ।

अघिल्लो महिना मात्र एमजीले यो कारको अन्तर्राष्ट्रिय बजारमा निर्यात शुरु गरेको थियो । यो स्पोर्टस कारको टप स्पीड क्षमता २०१ किलोमिटर प्रतिघन्टा छ । अन्तर्राष्ट्रिय बजारमा साइबस्टर फोर ह्वील र रियर ह्वील ड्राइभ सिस्टममा उपलब्ध छ । यसमा २५० किलोवाटको मोटर छ । कारमा ७७ किलोवाट आवर क्षमताको लिथियम आयोन ब्याट्री दिएको छ । उक्त ब्याट्रीलाई सिंगल चार्जमा ५०८ किलोमिटर गुडाउन सकिन्छ ।