टाटाको दुई सफल ईभी भित्र्याउने सिप्रदीको तयारी

काठमाडौं– टाटा मोटर्सको नेपालको लागि आधिकारिक बिक्रेता सिप्रदी ट्रेडिङले नयाँ बर्ष २०२५ को अवसर पारेर दुई नयाँ ईभी नेपाल ल्याउने भएको छ ।

कम्पनीले चाँडै नै नेक्सन ईभी फेसलिस्ट र नयाँ कर्भ ईभी नेपाल ल्याउने तयारी गरेको बताइएको छ । पछिल्लो पटक टाटा मोटर्सले नेक्सन ईभी ४५ किलोवाट आवर क्षमताको ब्याट्री तथा एक सय किलोवाट मोटर क्षमतामा ल्याएपछि सिप्रदीले नेपाल ल्याउन लागेको हो ।

नेक्सन ईभी फेसलिस्टमा पहिलो पटक टाटा मोटर्सले पानारोमिक सनरुफ दिएको छ । टाटाको कर्भ इभी भने ४५ र ५५ किलोवाट आवर क्षमताको ब्याट्री रहेका छन् । कर्भ ईभीमा ११२ र १२५ किलोवाट क्षमताको दुई फरक मोटर उपलब्ध छ । टाटाको दुवै ईभीले ग्लोवल एनक्याप क्रयास टेष्टमा ५ स्टार सेफ्टी रेटिङ पाएका छन् ।