काठमाडौं– चिनियाँ ईभी निर्माण कम्पनी बीवाइडीको नेपालका लागि आधिकारिक वितरक साइमेक्स इंकले हालै सार्वजनिक भएको आफ्नो एटो–थ्री मोडलका लागि ‘बीवाइडी ड्राइभ टु डिस्कभर’ कार्यक्रम सम्पन्न गरेको छ ।
नेपालमा सर्वाधिक सफल एट्टो–थ्री एसयूभीको नयाँ भर्सन २०२४ को पर्फर्मेन्स, आरामदायी यात्रा, र नयाँ प्रविधिको प्रत्यक्ष अनुभव मिडियाकर्मीलाई दिन उक्त कार्यक्रम आयोजना गरिएको कम्पनीले जनाएको छ । बीवाइडी ड्राइभ टु डिस्कभर काठमाडौंको व्स्त सडकदेखि शिवपुरी भिलेज रिसोर्टको सुन्दर र शान्त ठाउँसम्म यात्रा गर्दै सम्पन्न भएको थियो ।
कम्पनीले उपत्यका भित्रकै ड्राइभमा पनि गाडीको बहुउपयोगी क्षमता देखाउन उकालो, समथर र अफरोड बाटाहरूमा चलाउन मिल्ने रुट तय गरेको थियो । नक्सालस्थित बीवाइडी शोरुममबाट सुरु भएको ड्राइभ भाटभटेनी, गैरीधारा, उत्तरढोका, लाजिम्पाट, महाराजगन्ज, हात्तीगौंंडा, टोखा रोड हुँदै शिवपुरी हाइवेबाट शिवपुरी भिलेज रिसोर्टसम्म पुगेको थियो ।
यो एसयूभीमा बीवाईडीको क्रान्तिकारी ब्लेड ब्याट्री प्रविधि प्रयोग गरिएको छ । जसले ब्याट्रीको सुरक्षा, आयु र प्रदर्शनलाई सुधार गर्छ। बीवाईडीको डिजाइन दर्शन अनुसार एट्टो–थ्री (२०२४) संस्करणमा आधुनिक र आकर्षक देखिने ड्रागन फेस ३.० बाहिरी डिजाइनमा समावेश छ। गाडीभित्र चालक र यात्रुको अनुभवलाई अझ राम्रो बनाउन आरामदायी र स्टाइलिस इन्टेरियर प्रदान गरिएको छ। यो मोडेलले नेपालको ईभी प्रविधिमा नयाँ मानक भई देशको विभिन्न सडक अवस्था र साहसिक भावना पूरा गर्न सक्षम भएको कम्पनीले जनाएको छ।
प्रतिक्रिया