बीवाईडीको एम सिक्स कारको बुकिङ शुरु

काठमाडौं– चिनियाँ ईभी निर्माता कम्पनी बीवाईडीको एम सिक्स ईभीको नेपालमा बुकिङ शुरु भएको छ । नेपालका लागि बीवाईडीको आधिकारिक वितरक साइमेक्स इंकले बीवाईडी एम सिक्स को बुकिङ खुला गरेको हो ।

कम्पनीले बुकिङ गर्नेहरुले १ लाख ५० हजार रुपैयाँ छुट प्राप्त हुने समेत कम्पनीले सामाजिक सञ्जालमार्फत जानकारी दिएको हो । बीवाईडी एम सिक्स नेपालकै पहिलो ७ सिटर एमपीभी हो । यसको मूल्य ५५ लाख र ६० लाख १५ हजार रुपैयाँ हुनेछ । गाडीमा ५५.४ र ७१.८ किलोवाट आवर क्षमताका ब्याट्री हुनेछ भने १०० किलोवाटको मोटर हुनेछ कम्पनीले जनाएको छ ।

यसमा बीवाईडीको अत्याधुनिक नयाँ प्रविधिको ब्लेड ब्याट्री छ ।बीवाईडलिे केही महिनाअघि राइट ह्यान्ड ड्राइभ भर्सनको एम सिक्स उत्पादन गरेको हो ।