सीएफमोटो ४५० एमटीको डेलिभरी जारी, सहकार्यका लागि कार्यक्रम सम्पन्न

काठमाडौैं– सीएफमोटोको नेपालका लागि आधिकारिक बिक्रेता ऋषि ट्रेड सेन्टरले हालसम्म ५० भन्दा बढी एड्भेञ्चर टुरिङ बाइक ४५० एमटीको डेलिभरी दिईसकेको जनाएको छ ।

आगामी दिनमा अन्य बाइकहरु पनि डेलिभरी गरि कम्पनीले जानकारी दिएको छ । कम्पनीले बाइकधनीहरुका बीचमा एकप्रकारको सहकार्यका लागि हालै सानेपास्थित इन्टरनेशनल क्लबमा एक कार्यक्रममा आयोजना गरेको छ । कम्पनीका अनुसार बाइकधनी, बाइकप्रेमी र कम्पनीबीच एकप्रकारको सहकार्यका लागि उक्त कार्यक्रम आयोजना गरिएको हो ।

सीएफमोटो एड्भेञ्चर टुरिङ बाइक ४५० एमटी बाइकको अत्याधुनिक डिजाइन, शक्तिशाली परफोमेन्स र सुविधाहरुले रोड तथा अफरोडमा रोमाञ्चक यात्रा खोज्नेहरुको एक योग्य साथी बन्ने कम्पनीले स्पष्ट पारेको छ ।