‘नेपालमा ईभीको बजार छिट्टै विस्तार’

काठमाडौं–नाडा अटोमोबाइल्स एसोसिएसन अफ नेपालले मंगलबार गरेको अटो डायलग २०८१ को पहिलो सेसनमा वक्ताहरुले नेपालमा छिट्टै नै बिद्युतीय सवारी साधनको विस्तार भएको बताएका छन् ।

उनीहरुले अर्थतन्त्रका लागि मोबिलिटी क्षेत्र महत्वपूर्ण रहेको पनि स्पष्ट पारेका छन् । वक्ताहरुले अटो बजार ईभीमा सिफ्ट भैसकेकाले सोही अनुरुप दक्ष जनशक्ति उत्पादन गर्नुपर्नेमा जोड दिए ।

अटोमोबाइल क्षेत्रका लागि दिर्घकालिन नीति’ विषयक शीर्षकमा गरिएको उक्त छलफलमा राष्ट्रिय योजना आयोगका उपाध्यक्ष प्रा.डा शिवराज अधिकारी , नेपाल बैंकर्स एसोसिएसनमा अध्यष सन्तोष कोइरालाले ‘प्यासेन्जर र प्राइभेट दुबै सेग्मेन्टका सवारीसाधन ईभीमा सिफ्ट हुँदै गएका कारण सोही अनुरुप नेपालले पनि विश्वबजारमा प्रतिस्पर्धा गर्नसक्ने क्षमताका दक्ष जनशक्ति उत्पादनमा ध्यान केन्द्रित गर्नुपर्ने बताए ।

अटो क्षेत्रका लागि दीर्घकालीन नीति, आर्थिक विकासका लागि इनोभेटिभ मोबिलिटी र दीर्घकालीन विकासको लागि मोबिलिटी विषयमा नाडाले उक्त छलफल आयोजना गरेको हो । कार्यक्रममा अर्थसचिव घनश्याम उपाध्यायले इनोभेटिभ मोबिलिटीमा निजी क्षेत्रलाई पनि समेट्नु पर्ने बताए ।

कार्यक्रममा नेपाल बैंकर्स एसोसिएसनका अध्यक्ष सन्तोष कोइरालाले बैंकहरुकै कारण पनि नेपालमा ईभीले छिट्टै बजार विस्तार गर्न सकेको बताए। उनले बाणिज्य बैंकहरुले केही महिनाको अवधिमा मात्र १ खर्व २९ करोड रुपैयाँ अटोमोबाइल क्षेत्रमा लगानी गरेको बताए ।