सिप्रदी अटोपार्ट्सले ल्यायो पर्वको बेला टाटा जेन्युइन पार्ट्सको मेला

काठमाडौं– हालै देशमा आएको संवेदनशील परिस्थितिका कारण स्थगित गरिएको योजनालाई पुनः सुरु गर्दै सिप्रदी अटोपार्ट्स प्रालिले यसपालिको दशैँ, तिहार एवं छठ पर्वको अवसरमा “पर्वको बेला टाटा जेन्युइन पार्ट्सको मेला” नामक विशेष योजना ल्याएको छ ।

ग्राहकहरूलाई टाटा जेन्युइन पार्ट्सको प्रत्येक खरिदमा विशेष उपहार दिने उद्देश्यले कम्पनीले यो विशेष योजना ल्याएको जनाएको छ । यस योजनामा सहभागी हुने ग्राहकहरूले हरेक खरिदमा ग्यारेन्टीसहित रु. १,००० सम्मका क्यासब्याक कुपनहरू पाउनेछन् भने लक्की ड्रमार्फत बम्पर उपहारसहित विभिन्न आकर्षक पुरस्कार जित्ने अवसर प्राप्त गर्नेछन्।

पुरस्कार योजनाअनुसार १ लाखभन्दा बढीको खरिदमा १५० सीसीको बजाज पल्सर (बम्पर उपहार), ७५ हजारभन्दा बढीको खरिदमा १२५ सीसीको टीभीएस स्कुटर, २५ हजारभन्दा बढीको खरिदमा स्मार्ट टिभी, ५ हजारभन्दा बढीको खरिदमा स्मार्टफोन रहेका छन्।

सिप्रदी अटोपार्ट्स प्रालि टाटा मोटर्सका टाटा जेन्युइन पार्ट्स, टाटा अटोमोटिभ फ्लुइड्स र टाटा ड्युराफिट पार्ट्सको नेपालका लागि आधिकारिक वितरक हो।