यामाहा एरोक्स १५५ स्कुटर साथ ओझाको काठमाडौ–लद्दाख यात्रा

काठमाडौं– सोलो ट्राभल अवशिस ओझाले आफ्नो यामाहा एरोक्स १५५ स्कुटर साथ काठमाडौंदेखि भारतको लद्दाखसम्मको एकल यात्रा सफलतापूर्वक सम्पन्न गरेका छन् ।

उनले ११ दिनमा पाँच हजार किलोमिटरभन्दा बढी यात्रा तय गरेका हुन् । ओझाले यात्रा दौरान साहस, जोश र अटल संकल्पलाई आफ्नो दृढ संकल्प र प्रमाणका रूपमा खडा गरेका थिए । यात्राका क्रममा उनले विभिन्न भूभाग र मौसमको सामना गर्दै रोमाञ्चक र अद्भूत प्राकृतिक परिदृश्यसँग आफूलाई जोड्दै ती सुन्दर ठाउँलाई गहिरो रूपमा आत्मसात गरेका थिए ।

कठिन यात्रामा यामाहा एरोक्स १५५ ले असाधारण, अद्वितीय पर्फर्मेन्सको उदाहरण प्रस्तुत गर्नुका साथै आफूलाई बलियो र भरपर्दो साथीका रूपमा प्रमाणित गरेको कम्पनीको दाबी छ । एरोक्स १५५ स्कुटरमा रहेको एड्भान्स लिकउइड कुल्ड इन्जिनले लद्दाखको उच्च स्थानमा पनि आफ्नो दक्षता प्रस्तुत गरेको हो । जसको चुस्त हृयाण्डलिङ र आधुनिक एफआई प्रविधिले ओझालाई घुमाउरो पहाडी सडकमा सहज र स्थिरतासाथ यात्रा गर्न सहज बनाएको थियो ।

एमएडब्लु राइदकी सिएमओ पुनम सिंहले ओझाको उपलब्धि र एरोक्स १५५ को प्रशंसा गर्दै यो उल्लेखनीय यात्रा पूरा गरेकोमा अवशिस ओझाप्रति असाध्यै गौरवान्वित भएको बताईन ।