काठमाडौंं– केटीएमको नेपालका लागि आधिकारिक वितरक हंसराज हुलासचन्द एण्ड कम्पनीले २०२४ मोडलको केटीएम ३९० एड्भेञ्चर मोटरसाइकलको प्रि बुकिङ खुला गरेको छ ।
२०२४ केटीएम ३९० एड्भेन्चर बाइकमा ३७३ सीसी, सिंगल सिलिन्डर, फोर भल्व, एफआई इन्जिन उपलब्ध छ । सो इन्जिनले ४३.५ पीएस पावर र ३७ एनएम टर्क जेनेरेट गर्छ ।
यसमा बोस इलेक्ट्रोनिक फ्युल इन्जेक्सन सिस्टम छ । यसको फ्रन्टमा डब्ल्युपी एपेक्स युएसडी ओपन–क्याट्रिज फोक्र्स सस्पेन्सन छ भने रियरमा डब्ल्युपी एपेक्स मोनोसक सस्पेन्सन छ । ब्रेकिङका लागि फ्रन्ट र रियरमा ड्युअल च्यानल एबीएससहित ३२० एमएम र २३० एमएमको डिस्क ब्रेक दिइएको छ ।
केटीएम ३९० एड्भेन्चर बाइकमा ट्रयाक्सन कन्ट्रोल सिस्टमको लागि स्ट्रिट र अफरोड मोड उपलब्ध छ । सो बाइक एक्कासी रोकिएमा वा लडेमा पनि अफरोड मोड सक्रिय रहनेछ । यसका कारण बाइक चलाउन सुरक्षित हुन्छ ।
यसमा रोबुस्ट कास्ट ह्विल उपलब्ध छ । यसमा टीएफटी ड्यास डिस्प्ले टाइपको इन्स्ट्रयुमेन्ट क्लस्टर छ । एमटीसी, राइडिङ मोड, कर्नरिङ एबीएस, अफरोड एबीएस, राइड–बाई–वायर, क्विकसिफ्टर प्लस, स्लिपर क्लच, १२ भोल्ट युएसबी सकेट जस्ता विशेषता यसमा रहेका छन् ।
प्रतिक्रिया