काठमाडौं– रोयल इन्फिल्डको आधिकारिक बिक्रेता त्रिवेणी गु्रप अन्तर्गतको अल्फा अटोमोटिभले रोयल इन्फिल्डको ‘हिमालयन ४५०’ मोटरसाइकल नाडा अटो शोमा सार्वजनिक गर्दै बिक्री शुरु गर्ने भएको छ ।
यो मोटरसाइकल कम्पनीले वीरगञ्जमा अवस्थित प्लान्टबाट एसेम्बल शुरु गरेको छ । नेपालमा बीएसफोर इञ्जिन भएको हिमालयन बाइकको मूल्य ८ हजार ९८ हजार रुपैयाँमा बिक्री भईरहेको थियो तर यस पटकको रोयल इल्फिल्डको एसेम्बर नेपालमा नै भएको र सरकारले पनि कर छूट दिएका कारण पहिलेको भन्दा केही सस्तो हुने बताइएको छ ।
हिमालयन ४५० मा नयाँ लिक्विड कुल्ड ४५२ सीसीको सिंगल सिलिण्डर भएको इञ्जिन छ यसले ४० हर्सपावरका साथै ४० एनएम टर्क उत्पादन गर्न सक्छ । यसका साथै यो बाइकमा ६ स्पीडको गियर बक्सका साथै स्लिप एण्ड असिष्ट क्लच सुविधा उपलब्ध रहेको छ । यसको ग्राउण्ड क्लियरेन्स २३० एमएम छ । यो बाइकमा अल न्यू स्टिल ट्वीन स्पर फ्रेमको ४३ एमएम यूएसडी फोर्क र प्रिलोड एडजस्टेबल मोनोसक उपलब्ध छ । दुवै २०० एमएमका छन् ।
प्रतिक्रिया