काठमाडौं– काठमाडौंको भृकुटीमण्डपमा भाद्र ११ देखि १६ गतेसम्म भएको नाडा अटो शो २०२४मा जी मोटर्सले भित्र्याएको स्काईवेल ब्राण्डका १२६ थान गाडी बुकिङ भएको छ ।
स्काईवेलको नेपालका लागि आधिकारिक बिक्रेता जी मोटर्सले स्काईवेल ईटी ५ र बीई ११ गरि १२६ थान बुकिङ भएको जनाएको हो । कम्पनीका अनुसार ४१० किलोमिटर रेञ्ज दिने भेरियन्टको मूल्य ८० लाख रुपैयाँ तोकिएको छ तर नाडा अटो शोमा आएर बुकिङ गर्दा ७५ लाख ९० हजार रुपैयाँमा पाउन सकिने व्यवस्था गरिएको थियो ।
यस्तै ५२० रेञ्ज दिने अर्को भेरियन्ट गाडीको मूल्य ९० लाख रुपैयाँ पर्ने भए पनि नाडा अटो शोमा ८५ लाख ९० हजारमा बुकिङ गर्न सकिने कम्पनीले जनाएको थियो । कम्पनीले दुवै भेरियन्टमा १५० किलोवाट मोटरपावर रहेको जनाएको छ । कम रेञ्जमा ५८ किलोवाट आवर र माथिल्लो रेञ्जमा ७१ किलोवाट आवरको ब्याट्री प्याक छ । ईयु सर्टिफिकेसन लिने पहिलो चाइनिज गाडी पनि स्काईवेल रहेको कम्पनीले जनाएको छ ।
प्रतिक्रिया