बीवाईडीको एक्सचेन्ज फेस्ट, १० जनालाई चीन भ्रमणको अवसर

काठमाडौं–बीवाइडी गाडीको आधिकारिक वितरक साइमेक्स इंक प्रालिले मंसिर ३ देखि ६ गतेसम्म आकर्षक अफर सहित ‘एक्सचेन्ज फेस्ट’ आयोजना गर्ने भएको छ । उक्त मेला काठमाडौं उपत्यकाका विभिन्न स्थानसहित देशैभर रहेका बीवाईडी शोरुममा सञ्चालन हुनेछ ।

काठमाडौंमा नक्सालस्थित अम्रपाली बैंक्वेट, गैह्रिधारस्थित सी कार, बानेश्वरस्थित काठमाडौं बैंक्वेट, ललितपुरस्थित साकार फाइन डाइन, इमाडोलस्थित इन्द्रेणी बैंक्वेट तथा सोल्टिमोड र भक्तपुरस्थित बीवाईडी शोरुममा आयोजना हुने कम्पनीले जनाएको छ ।

कम्पनीका अनुसार एक्सचेन्ज फेस्टमा सहभागी भएर ग्राहकले आँफूसंग भएको जुनसुकै पुरानो गाडीसंग बीवाईडीको ब्रान्ड न्यू ईभी एक्सचेन्ज गर्न पाउनेछन् । एक्सचेन्ज कार्यक्रममा आकर्षक नगद छुट तथा एक्सचेन्ज बोनसको साथ १ वर्षको निःशुल्क अटो प्लस इन्स्योरेन्स, फ्री एक्सेसरीज तथा २.३ किलोवाट क्षमताको पोर्टेवल चार्जर, १० वर्षसम्म बीवाईडी एप कनेक्टिभिटी तथा विस्तारित वारेन्टी र फ्री रोड ट्याक्स जस्ता सुविधाहरू उपलब्ध हुने पनि कम्पनीले जनाएको छ ।

यसबाहेक, मेलामा सहभागी ग्राहक मध्येबाट चीन भ्रमणको लागि ‘लक्की ड्र’ विजेता पनि छनोट गरिनेछ, जुन मेलाको प्रमुख आकर्षण हुने जनाइएको छ । बम्पर अफरमा लक्की ड्रमार्फत १० जना ग्राहकले चीन भ्रमण गर्ने अवसर प्राप्त गर्ने कम्पनीको भनाई छ ।