काठमाडौं– भदौ ११ गतेदेखि १६ गतेसम्म हुने नाडा अटो शो २०२४ मा केही कम्पनीहरुले एड्भेञ्चर मोटरसाइकल भित्र्याउने भएका छन् ।
शोमा सुजुकी मोटरसाइकलको नेपालका लागि आधिकारिक बिक्रेता भीजीले सुजुकी भी स्ट्रोम २५० ल्याउने भएको छ । यसमा २४९ सीसी सिंगल सिलण्डर आयल कुल्ड इञ्जिन रहेको छ । यस इञ्जिनले ९३०० आरपीएममा २६ पीएस पावर तथा ७३०० आरपीएममा २२.२ एनएम टर्क जेनेरेट गर्छ । यसमा ६ स्पीडको गियर बक्स पाउन सकिन्छ ।
यस्तै रोयल इनफिल्ड नेपालका लागि आधिकारिक बिक्रेता अल्फा अटोमोटिभले हिमालयन ४५० एड्भेञ्चर नाडा अटो शोमा प्रदर्शन गर्दैछ । कम्पनीले शेर्पा नाम दिएर ल्याएको इञ्जिनले ८००० आरपीएममा अधिकतम ४०.२ पीएस पावर तथा ५५०० आरपीएममा अधिकतम ४० एनएम टर्क जेनेरेट गर्छ । यसमा ४५२ सीसी सिंगल सिलिण्डर, लिक्विड कुल्ड, ४ भल्भ इञ्जिन रहेको छ ।
यस्तै ऋषि ट्रेड सेन्टरले ४५० सीसी क्षमताको सीएफ मोटो एमटी ४५० प्रदर्शन गर्ने भएको छ । अत्याधुनिक फिचर र प्रविधि भएको यस एड्भेञ्चर मोटरसाइकल एमटी ४५० मा ४४९ सीसी, ट्वीन सिलिन्डर, लिक्विड कुल्ड इन्जिन रहेको छ । यो इन्जिनले ४४ हर्षपावर तथा ४४ एनएम टर्क जेनेरेट गर्छ । यसमा ६ स्पीड गियरबक्स पाउन सकिन्छ ।
प्रतिक्रिया