काठमाडौं– काठमाडौंको भृकुटीमण्डपमा जारी नाडा अटो शो २०२४ मा गाडी बिक्रेताहरुले ग्राहकहरुलाई आकर्षित गर्न विभिन्न अफरहरु घोषणा गरेका छन् । कतिपय गाडी बिक्रेताहरुले गाडीको मूल्यमा भारी कटौती गरेर ग्राहकहरुलाई आकर्षित गरिरहेका छन् । विशेष गरेर बिद्युतीय गाडीहरु ग्राहकहरुको पहिलो रोजाई परेका छन् ।
दिपल ईभीको उत्पादक चाँगानको नेपालको लागि आधिकारिक वितरक एमएडब्लु वृद्धि अटोकर्प प्रालिले नाडा अटो शो केन्द्रीत ग्राहक स्किम बिग ब्याङ अफर घोषणा गरेको छ । यो अफरमार्फत कम्पनीले दिपल एस ०७ को मूल्यमा ३ लाख रुपैयाँ कटौती गरेको छ ।
सेरेस ईभीको नेपालका लागि आधिकारिक वितरक एमएडब्लु वृद्धि अटोकर्पले सेरेस ३ कम्फर्ट मोडलका लागि विशेष अफर घोषणा गरेको छ । नाडा अटो शो २०२४ को अवसरमा कम्पनीले विशेष अफर घोषणा गरेको हो ।
अब नयाँ सेरेस ३ कम्फर्ट मोडल ४५ लाख ४९ हजार रुपैयाँमै उपलब्ध हुनेछ । प्रिमियम मोडलको मूल्य ४८ लाख ८७ हजार रहेको छ । यो भन्दा पहिले यी दुई भेरिएन्टको मूल्य ४९ लाख ९९ हजार र ५२ लाख ९९ हजार रुपैयाँ थियो । यस अनुसार दुई मोडलको मूल्यमा ४ लाख ५० हजार रुपैयाँ सम्म कमी आएको छ ।
चिनियाँ ब्राण्ड जिलीको ईभी जिकर एक्स सार्वजनिकसँगै भारी कटौती गरेर मूल्य तोकिएको छ । सारडा ग्रुप अन्तर्गतको पायोनियर मोटोकर्पले नेपाल भित्र्याएको उक्त उक्त गाडी टु ह्वील ड्राइभ स्ट्यान्डर्ड र फोर ह्वील ड्राइभ फ्लागसिप गरी दुई भेरियन्टका छन् । टु ह्वील ड्राइभ भेरियन्टको मूल्य ७९ लाख ९९ हजार तोकिएको कम्पनीले जनाएको छ । यस अगाडि यस गाडीको यसको मूल्य ८९ लाख ९९ हजार रहेको थियो । यसैगरी फोर ह्वील ड्राइभ भेरियन्टको मूल्य १ करोड ४९ लाख ९९ हजार रुपैयाँ तोकिएको छ । यस अगाडि यसको मूल्य १ करोड ५९ लाख ९९ हजार रुपैयाँ थियो ।
यसैगरी एमजीको नेपालका लागि आधिकारिक बिक्रेता पारामाउन्ट मोटर्सले ‘सेलिब्रेसन अफ दी सेन्चुरी’ नाराका साथ उक्त ईभीको मूल्य एकै पटक ६ लाख रुपैयाँ घटाएको हो । नाडा अटो शो र दशैं तिहारको लागि स्पेशल अफर ल्याएको भन्दै कम्पनीले यो अफर सीमित अवधिका लागि मात्रै लागू हुने पनि जनाएको छ ।
प्रतिक्रिया