काठमाडौं– टोयोटाको नेपालका लागि आधिकारिक बिक्रेता युनाइटेड ट्रेडर्स सिन्डिकेट प्रालिले आज बिहिबारदेखि आगामी भाद्र १८ गतेसम्म ‘टोयोटा विजय उत्सव’ सञ्चालन गरेको छ ।
आउँदै गरेको दशैं, तिहार लगायतका चाडपर्वहरुलाई लक्षित गरेर कम्पनीले एक कार्यक्रमका बीचमा विभिन्न अफरहरु समेत सार्वजनिक गरेको छ । विजय उत्सजमा ग्राहकहरुका लागि कोरोला क्रस हाइब्रिड इलेक्ट्रिकमा ३० प्रतिशत डाउन पेमेन्टमा डेलिभरीको विशेष व्यवस्था रहेको कम्पनीले जनाएको छ ।
विभिन्न बैंकहरुको सहकार्यमा सहजै फाइनान्स सुविधा समेत उपलब्ध हुनेछ । कम्पनीका अनुसार तत्काल पुरानो गाडीको भ्यालुएसन, एक्सचेञ्ज बोनस, एक बर्षको पूर्ण बीमा, नगद छूट, फ्री रोड ट्याक्स, गिफ्ट ह्याम्परको पनि व्यवस्था छ । दैनिक लक्की ड्र पनि रहेको कम्पनीले जनाएको छ ।
प्रतिक्रिया