काठमाडौं– भृकुटीमण्डपमा जारी नाडा अटो शो २०२४ मा ट्राइम्फ मोटरसाइकल निकै लोकप्रिय रहेको दावी उक्त मोटरसाइकलको आयातकर्ता हंसराज हुलासचन्द एण्ड कम्पनी प्रालिले गरेको छ ।
नाडा अटो शोबाट नेपाली बजारमा भित्रिएको ट्राइम्फ मोटरसाइकल नाडा अटो शोको चार दिनमा नै १ सय ५० युनिट बुकिङ भएको कम्पनीले जनाएको छ ।
जारी नाडा अटो सोमा ट्राइम्फका नयाँ स्क्रेम्बलर ४०० एक्स र स्पिड ४०० सार्वजनिक गरिएको छ। ट्राइम्फ स्क्रेम्बलरको मूल्य ६ लाख ८९ हजार ९ सय र स्पिडको ६ लाख ३९ हजार ९ सय तोकिएको छ ।
मोटरसाइकलप्रेमीका उत्साहजनक प्रतिक्रिया र अत्यधिक बुकिङले ट्राइम्फको लोकप्रियता पुष्टि गरेको कम्पनीको भनाइ छ। गोल्छा ग्रुपका डाइरेक्टर, अभिमन्यु गोल्छाले ‘यस उपलब्धिले आफूहरुलाई निकै गर्वित बनाएको बताएका छन् ।
प्रतिक्रिया