बीएडब्लुको ब्रम्बी ग्राहकहरुको रोजाईमा, १२९ युनिट बुकिङ

काठमाडौं– काठमाडौंको भृकुटीमण्डपमा भाद्र ११ गतेदेखि १६ गतेसम्म भएको नाडा अटो शो २०२४ मा एलआरआर मोटर्सले ल्याएको बीएडब्लुको ब्रम्बी पनि निकै लोकप्रिय भएको छ ।

नयाँ ब्राण्डको यो ईभी ग्राहकहरुले निकै रुचाएका छन् । ब्रम्बी ईभीको धेरै विशेषताहरुका साथै मूल्य पनि सस्तो भएका कारण मनपरेको ग्राहकहरुले बताएका छन् । नाडा अटो शोमा बीएडब्लु ब्रम्बी १२९ युनिट बुकिङ भएको कम्पनीले जनाएको छ ।

कम्पनीले ब्रम्बी ईभीको मूल्य २१ लाख ९० हजार तोकेको छ । १७.२८ किलोवाट आवरको ब्याट्री र ३० किलोवाटको मोटर भएको ब्रम्बी ईभीले सिंगल चार्जमा २०५ किलोमीटर रेञ्ज दिने कम्पनीको भनाई छ ।

सस्तो मूल्य, आकर्षक डिजाईन र प्रशस्तै फिचरहरु रहेकाले ब्रम्बीका मिनिकारहरु मध्यम वर्गका ग्राहकहरुको पहिलो रोजाई परिरहेको छ । एउटा सानो परिवारका लागि उपर्युक्त ब्रम्बीका कारहरुप्रति ग्राहकहरुको आकर्षण बढेको हो ।
ब्रम्बी कार होम एसी चार्जरको सहयोगले चार्ज गर्न सकिनेछ । कारमा एलएफपी ब्याट्री रहेको छ । यसको लम्बाई ३५३२ एमएम, चौडाई १४९८ एमएम र उचाई १६०५ एमएम रहेको छ ।

यसमा १५५–६५आर१३ साइजको टायर रहेको छ । सिम्पल बडी डिजाइन र पर्सनलाइज्ड फ्रन्ट फेस सेप सहितको फेसनेबल एपियरेन्स रहेको बीएडब्लु ब्रम्बी ईभीलाई इको र स्पोर्ट ड्राइभिङ मोडमा चलाउन सकिन्छ । सुरक्षाका अन्तर्गत यसले फ्रन्ट कोलिजन र पोस्ट क्र्यास सेफ्टी सम्बन्धी विभिन्न टेस्टबाट सुरक्षा प्रमाणपत्र पाएको छ ।