सिप्रदीयन सहायता संस्थाबाट पाँचखालमा बाढी प्रभावितहरुलाई राहत वितरण

काठमाडौं– सिप्रदीको सामाजिक संस्था सिप्रदीयन सहायता संस्थाले काभ्रेको पाँचखाल नगरपालिकामा बाढीबाट प्रभावित परिवारहरुलाई आधारभूत आवश्यकताका सामाग्रीहरु राहतस्वरुप वितरण गरेको छ ।

सिप्रदीयन सहायता संस्थाको तर्फबाट तुलसीजंग बस्नेत, रोज क्षेत्री, गोविन्द उपाध्याय, रजत श्रेष्ठ र विमल गौतम लगायतको उपस्थितिमा ३० घरपरिवारलाई राहत स्वरुप प्रतिघर डसना, सिरानी, झुल, जग, वाल्टिन, गिलास र थाल वितरण गरिएको हो । कार्यक्रममा नगरपालिकाको तर्फबाट संजय तामाङ्ग, अच्युत उप्रेती लगायतको उपस्थिति रहेको थियो ।

सिप्रदीयन सहायता संस्था एक लाभ निरपेक्ष, गैरसरकारी तथा अराजनैतिक सामाजिक संस्था हो । यो संस्था सन् २०१२ देखि क्रियाशील रहेको छ । यस संस्थाको स्थापना नेपालमा टाटा गाडीको आधिकारिक वितरक सिप्रदी ट्रेडिङ प्रालिद्वारा कम्पनीको सामाजिक उत्तरदायित्वको कार्यान्वयनको लागि गरिएको हो ।

सो संस्थाले योग्य तर आर्थिक रुपमा विपन्न बालबालिकालाई छात्रवृत्ति प्रदान गर्छ तथा दुर्गम क्षेत्रमा प्रौढ शिक्षाको विकासमा सहयोग गर्दै शिक्षाको क्षेत्रमा सहायता प्रदान गर्ने ध्येय राखेको छ । साथै संस्थाले वृद्ध नागरिकहरु, नाबालक टुहुराहरु तथा भिन्न क्षमता भएका व्यक्तिहरुलाई हरतरहबाट सेवा पु¥याउने निष्ठा राखेको बताइएको छ ।

यसको अलावा संस्थाले प्राकृतिक विपत्ति तथा दैवि प्रकोपबाट पीडित जनताको आपत्कालीन उद्दार, सहयोग तथा पूनव्र्यस्थापन सम्बन्धी कार्यमा सहयोग गर्दै आएको छ ।