पुस ५ देखि ७ सम्म ‘एमजी विन्टर कार्निभल २०२४’

काठमाडौं– एमजी मोटर्सको नेपालका लागि आधिकारिक वितरक पारामाउन्ट मोटर्सले यही पुस ५ देखि ७ गतेसम्म काठमाडौंमा ‘विन्टर कार्निभल–२०२४’ आयोजना गर्ने भएको छ । सिल्भर ओक बालुवाटारमा हुने उक्त कार्निभलमा एमजी सहित माज्दा, म्याक्सस र वुलिङ ब्रान्डका कार प्रदर्शन गरिनेछ ।

एमजी विन्टर कार्निभलमा ग्राहकले आफुसँग भएको पुरानो गाडी दिएर एमजी, माज्दा, म्याक्सस र वुलिङको जनुसुकै कार सट्टापट्टा गर्न सक्ने कम्पनीले जनाएको छ । यसरी सट्टापट्टा गर्दा १० लाख सम्मको एक्सचेन्ज बोनस पाइनेछ ।

कार्यक्रमस्थलबाटै गाडी खरिद गर्न चाहने ग्राहकका लागि तत्कालै फाइनान्स सुबिधा उपलब्ध हुने जनाइएको छ । यसैगरी, सहभागीले टेष्ट ड्राइभ, म्युजिक पर्फमेन्स, फुड एन्ड स्न्याक्स र विभिन्न मनोरन्जनात्मक कार्यक्रको मज्जा समेत लिन पाउने कम्पनीले जनाएको छ । बालबालिकाहरुका लागि छुट्टै किड्स प्ले जोनको समेत व्यवस्था मिलाइएको छ ।

कार्यक्रमको प्रमुख आकर्षणका रुपमा शनिबार अर्थात पुस ६ गते हुने जारी नेपाल प्रिमियम लिगको फाइनल म्याच कार्यक्रमस्थलबाटै लाइभ हेर्न सकिनेछ । सो विन्टर कार्निभलमा सहभागी भएर एमजी, माज्दा, म्याक्सस र वुलिङ ब्रान्डको ब्रान्ड न्यू गाडीमा अपग्रेड हुन र विभिन्न मानोरन्जनात्मक कार्यक्रमको मज्जा लिन कम्पनीले आह्वान गरेको छ ।