एमएडब्लु वृद्धिले सञ्चालनमा ल्यायो जोमसोममा सीसीएसटू चार्जिङ स्टेसन

काठमाडौं– एमएडब्लु वृद्धि स्पिड चार्जर्सले हालसम्म निर्माण भएकामध्ये सबैभन्दा उच्च ठाउँ हिमाली जिल्ला मुस्ताङको जोमसोममा विद्युतीय सवारी साधन (ईभी)का लागि सीसीएसटू चार्जिङ स्टेसन संचालनमा ल्याएर कीर्तिमान कायम गरेको छ । कम्पनीले आइतबारदेखि मुस्ताङको जोमसोममा सीसीएसटू चार्जिङ स्टेसन औपचारिक रूपमा सञ्चालनमा ल्याएको हो ।

यो उपलब्धिले दुर्गम र कठिन भौगोलिक स्थानमा पनि ईभी पूर्वाधार विकासमा कम्पनीको महत्त्वपूर्ण भूमिका पुष्टि गरेको कम्पनीले जनाएको छ ।जोमसोममा स्थापना गरिएको चार्जिङ स्टेसन केबल इन्जिनियरिङ उपलब्धि मात्र नभई नेपालमा ईभी विकासको सुरुवाती कदम भएको कम्पनीको भनाई छ ।

एमएडब्लू वृद्धिले हाल नेपालभर ११६ स्थानमा रणनीतिक रूपमा राखिएका सीसीएसटू चार्जिङ स्टेसनहरू सञ्चालनमा ल्याएको छ । यी स्टेशनले सहरको साथै जोमसोमजस्ता टाढाका ठाउँहरूमा पनि ईभी प्रयोगकर्ताहरूका लागि भरपर्दो सेवा सुनिश्चित गरेको कम्पनीले जनाएको छ ।

पर्यावरणप्रेमी यात्रुका लागि वातावरणमैत्री यात्रालाई सहज बनाउने दिशामा यो चार्जिङ स्टेसनको स्थापना एक ठूलो कदम भएको छ ।