मेगा मोटर्सले कामा ईभी कन्टेनरको बुकिङ खुलायो

काठमाडौं–कामा ईभीको नेपालमा लागि आधिकारिक वितरक मेगा मोटर्सले कामा ईभी कन्टेनरको बुकिङ खुला गर्दै यो ईभी बुकिङ गर्ने पहिलो ५० जना ग्राहकलाई २ लाख रुपैयाँ छुट दिने योजना ल्याएको छ ।

यो ईभी कन्टेनरलाई कम्पनीले आगामी भदौ ३ गतेदेखि काठमाडौंमा हुने नाडा अटो शोमा लञ्च गर्ने तयारी पनि गरेको छ । २७ लाख ९० हजार रुपैयाँ मूल्य तोकिएको यस कन्टेनर बुक गर्ने सुरुका ५० जना ग्राहकलाई २५ लाख ९० हजारमै उपलब्ध गराउने कम्पनीले जनाएको हो ।

यस ईभी कन्टेनरले नेपालको मिनी कमर्सियल ईभी बजारमा नयाँ उपलब्धि हासिल गर्ने विश्वास मेगा मोटर्सका प्रबन्ध निर्देशक महेश पालले लिएका छन् । पालका अनुसार कामा ईडब्लु २ अहिले कारखानाबाट हिंडिसकेको छ । नाडा अटो शोमा हामीले यसलाई लञ्च गर्ने तयारी गरेका छौ । यो कमर्सियल ईभीले नेपाली बजारमा छिट्टै लोकप्रियता हासिल गर्नेमा ढुक्क छौ ।

यस ईभीमा ८.५ फिट लम्बाई र ५.५ फिट उचाई भएको मजवुत कन्टेनर राखिएको छ । यसको पेलोड क्षमता १.५ टन छ भने एकपटकको फुल चार्जमा २५० किलोमिटरसम्म गुडाउन सकिने पनि कम्पनीले जनाएको छ । कम्पनीले यस ईभीमा ५ वर्ष अर्थात २ लाख किलोमिटर वारेन्टी दिएको छ ।