काठमाडौं– नजिकिँदै गरेको दशैं–तिहारलाई लक्षित गरी एलएस अटोको नेपालका लागि आधिकारिक वितरक ब्लू कर्पोरेशनले ‘फेस्टिभ अफर’ सार्वजनिक गरेको छ । अफर अन्तर्गत गाडी किन्दा न्यूनतम डाउन पेमेन्टको सुविधादेखि उपहार तथा नगदमा भारी छुट पाइने कम्पनीले जनाएको छ ।
अफरअन्तर्गत एलएस अटोको नयाँ ईभी किन्दा ८ लाखसम्मको लाभ लिन सकिने कम्पनीका महाप्रबन्धक नविन फुयाँलले जानकारी दिए । कम्पनीले बिक्री गर्दै आएको ‘एलईभी–०१’ गाडीलाई ग्राहकहरूले यो अफर अन्तर्गत केवल २० प्रतिशतको डाउन पेमेन्टमा घर लैजान सक्नेछन् ।
फुयाँलका अनुसार, दशैं–तिहारमा गाडी खरिद गर्ने सोच बनाएका ग्राहकहरूका लागि यो निकै उपयुक्त अफर हो । फेस्टिभ अफरमा कम्पनीले १ लाख नगद छुट, १ लाख एक्सचेञ्ज बोनस, निःशुल्क बीमा र १० किलो क्षमताको वासिङ मेसिन निःशुल्क प्रदान गर्नेछ ।
यो अफर सीमित समयको लागि मात्र रहेको कम्पनीले जनाएको छ । इच्छुक ग्राहकहरूलाई नजिकको शोरुमा सम्पर्क गरी यसको लाभ लिन कम्पनीले आह्वान समेत गरेको छ ।
प्रतिक्रिया