काठमाडौं– कोरियन अटो निर्माता कियाले सन् २०२४ मा ३० लाख ८९ हजार ४५७ युनिट कार बिक्री गरेर नयाँ विश्वव्यापी रेकर्ड बनाएको छ ।
कियाले दक्षिण कोरियाको घरेलु बजारमा ५ लाख ४० हजार १० युनिट र बाहिर २५ लाख ४३ हजार ३६१ युनिट कार बिक्री गरेको हो । जुन अघिल्लो वर्षको तुलनामा ०.१ प्रतिशत बढी भएको कम्पनीले जनाएको छ। कियाको यस रेकर्ड ब्रेक सेल्समा स्पोर्टेजले ठूलो हिस्सा ओगटेको छ ।
दोस्रो स्थानमा रहको सेल्टोसले ३ लाख १२ हजार २४६ युनिट बिक्री गरेको छ । यसैगरी, तेस्रो स्थानमा रहेको सोरेन्टो २ लाख ८० हजार ७०५ युनिट बिक्री भएको जनाइएको छ । बिक्रीमा भएको वृद्धिको श्रेय ईभी३, के ४ सेडान र हाईब्रिड कार्निभल जस्ता केही प्रमुख मोडलहरूको लन्चलाई दिइएको छ ।
यस वर्ष आफ्नो बिक्रीमा थप सुधार गर्दै विश्वव्यापी रूपमा ३२ लाख १६ हजार २०० युनिट कार बिक्री गर्ने कियाले लक्ष्य लिएको छ ।
प्रतिक्रिया