काठमाडौं– नेपाली बजारमा महिन्द्राको आधिकारिक वितरक अग्नी इन्कर्पोरेटले १७ सय केजी भार क्षमताको नयाँ बोलेरो एकैपटक पाँच शहर काठमाडौं, पोखरा, वीरगञ्ज र चितवनमा सार्वजनिक गरेको छ ।
नयाँ बोलेरो पिकअप हाल बजारमा उपलब्ध भएकोभन्दा अझ बलियो र बढी क्षमताको भएको कम्पनीले जनाएको छ ।
हाल बजारमा रहेको बोलेरोको क्षमता १५ सय केजी भार क्षमताको हो भने नयाँ बोलेरोको क्षमता सोभन्दा २०० केजी बढी रहेको छ ।
यो पिकअपमा २.५ लिटरको एमटु डीआइ सीआर डिजेल इन्जिन रहेको छ । यो इन्जिनले ६३ हर्सपावर र १९५ न्यूटन मिटरको टर्क जेनेरेट गर्छ ।
लोड क्षमतासँगै नयाँ बोलेरोमा लामो कार्गोबेड, बलियो डबल बेरिङ एक्सल तथा ९ वटा पाता भएको स्प्रिङ सस्पेन्सन समेत थपिएको छ । नयाँ बोलेरोको क्याबिनमा फराकिलो कोड्राइभर सिट, रिक्लाइनिङ ड्राइभर सिट तथा हेडरेस्ट समेत थप भएको छ ।
यसअघि २६ लाख ८५ हजार रुपैयाँ रहेकोमा अब १७ सय केजी भार क्षमताको बोलेरोको सुरुआती मूल्य मूल्य २५ लाख ६५ हजार रुपैयाँ रहेको छ ।
कम्पनीका नयाँ बोलेरोमा ९.९९ प्रतिशत ब्याजदरमा ७० प्रतिशतसम्म सरल फाइनान्स सुविधा समेत उपलब्ध रहेको छ । असार मसान्तसम्म बुकिङ गर्ने ग्राहकले फाइनान्स प्रोसेसिङ शुल्क समेत तिर्न नपर्ने कम्पनीले जानकारी दिएको छ ।
प्रतिक्रिया